Xustiniano, emperador de Oriente (482-565), foi o último emperador que intentou reconstruír o Imperio romano ao completo, o dos tempos de Teodosio, para o que emprendeu campañas militares de conquista no Mediterráneo —en Italia, no norte de África, no sur de Hispania...— acompañadas dunha grande obra lexislativa, o Codex Iustinianus, codificación do dereito romano que influiría no dereito medieval. Foi un home de gran capacidade de traballo, pero tamén moi ambicioso. A Igrexa ortodoxa venérao como santo; non así a latina, que conta con dous santos co mesmo nome, un do século II e outro do VI.
