San Xustino o Filósofo (100-165) vinculárase inicialmente ao platonismo e despois, en Éfeso, entrou no cristianismo. Máis tarde abriu escola filosófica en Roma. Foi o primeiro que tentou harmonizar a razón coa teoloxía cristiá, da que é considerado fundador. Denunciado por cristián, morreu decapitado.
Santa Xustina de Nicomedia era unha virxe cristiá de gran beleza; o meigo Cibrán —non se confunda co san Cibrán de Cartago— namorouse dela e quíxoa seducir invocando o demo, e, ao non conseguilo, queimou os seus libros de meiguerías e converteuse ao cristianismo; ambos serían decapitados no ano 304 en Nicomedia.
