Guía de nomes galegos

De orixe escura. Dado que na Península era un nome especialmente frecuente na zona vasco-navarra, pénsase que debe ser de orixe éuscara, posiblemente relacionado con seme ‘fillo varón'. En Galicia tivo bastante difusión na Idade Media, fundamentalmente as formas femininas, Xemena, Exemena, Scemena, entre outras. A conservación do -n- parece indicar que se trata dun latinismo, leonesismo ou castelanismo.

Jimena Fernández de la Vega (1895-1984), natural da Veiga (vila asturiana da comarca eonaviega, de fala galega) que, xunto á súa irmá xemelga Elisa, foron as primeiras mulleres que estudaron na Universidade de Santiago; matriculáronse en Medicina en 1913 e licenciáronse en 1919 cos mellores expedientes da promoción.