Nome de orixe xermánica e introdución recente que parece estar formado a partir da raíz vand 'espírito, alento'. Hai quen opina que se trata dun nome inventado (quizais derivándoo do nome dos vándalos, antigo pobo da Alemaña oriental), polo frade polaco Wincenty Kadłubek (século XIII) para unha heroína da súa lendaria historia das orixes dos polacos, segundo a cal sería filla de Krek ou Krakus, o fundador de Cracovia.
