Guía de nomes galegos

Do grego Páris, de significado descoñecido aínda que probablemente é un nome preheleno.

Segundo a Ilíada de Homero, París, fillo do rei Príamo de Troia e de Hécuba e irmán máis novo de Heitor, raptou a Helena, esposa do rei Menelao de Esparta, e provocou a guerra de Troia. Con anterioridade, o deus supremo Zeus nomeárao xuíz para decidir cal das tres deusas —Hera, Atenea e Afrodita— era a máis fermosa, no episodio da mazá da discordia. París decidiuse pola última, que lle prometera o amor de Helena de Esparta, o que lle trae o odio das outras dúas. Na Ilíada París mata a Aquiles disparándolle unha frecha ao talón, o único punto vulnerable deste heroe, feito considerado un acto de covardía, por non se atrever a un combate corpo a corpo.