Guía de nomes galegos

Nome afectivo e  augural que se dá a unha meniña co desexo de que sexa tan luminosa, bela ou influente como a Lúa (do latín luna).

Na mitoloxía romana, Luna era a divindade romana da Lúa, equivalente á Selene grega. Para os romanos a Lúa presidía a maxia amorosa, as metamorfoses; era a deusa dos fármacos; o orballo lunar daba forza máxica ás plantas. A pedra selenita era o máis poderoso talismán. O crecente lunar está presente nas lápidas funerarias dos galaicorromanos. Na Galicia rural e noutras sociedades tradicionais cóntase o tempo por lúas e téñense moi en conta as súas fases para realizar certos labores.