San Lonxinos é un personaxe lendario, a lanza personificada: resulta da fusión do lanceiro situado ao pé da cruz de Cristo no Calvario e do centurión a cabalo que mandaba a garda encargada de vixiar o cumprimento da sentenza. Segundo o Evanxeo de Xoán, un soldado romano traspasoulle a Xesús o costado cunha lanza, e nun intre saíu sangue e auga. Segundo a lenda, ante estes prodixios ese soldado ou centurión converteuse ao cristianismo.
