Lugar, parroquia e concello situado onde remata a ría do mesmo nome (A Coruña); A Noia tamén é un lugar de Trazo (A Coruña). É un nome prerromano, que aparece citado polo historiador romano Plinio como Noega, forma que, segundo o investigador Edelmiro Bascuas, é o antecedente do moderno Noia. Na Idade Media documéntase como Nogia, Noya ou Noia, e probablemente é un derivado da raíz indoeuropea *neigw- ‘lavar’, emparentado con outros como Noal, Noalla ou Noenlle.
