Nome dunha advocación mariana, Nosa Señora do O, isto é, a Virxe da Esperanza ou da Expectación do Parto. Ten a súa orixe no O exclamativo inicial das antífonas cantadas no día da festa da Virxe da Expectación: O sapientia, O Emmanuel... A festa da Expectación é unha das festividades marianas máis antigas e de maior tradición tanto no Occidente cristián como na Península Ibérica.
