Guía de nomes galegos

A etimoloxía popular forzou esta palabra a transformarse ata chegar a parecer un composto de Luz divina e esa é a razón pola que o levan algunhas mulleres. Pero en realidade é un nome xermánico, de recente introdución, composto polas raíces *leud ‘xente, pobo’ e win 'amigo'. O nome goza de certa vitalidade nos Países Baixos.

Santa Liduvina de Schiedam (Holanda), do século XV, foi criticada polo seu párroco por non querer casar á idade de 15 anos. Dado que viviu corenta anos sufrindo por unhas chagas incurables que tiña, a súa vida foi presentada como modélica por Tomé de Kempis.