Guía de nomes galegos

Da palabra latina libertatem, de idéntico significado. Nome ideolóxico recente, de carácter democrático ou libertario, para render culto á idea que encerra a palabra.

Liberdade é un dos nomes laicos que persoas de ideoloxía esquerdista ou anarquista adoitaban poñer ás súas fillas no canto dos relixiosos.

Libertad é o nome dunha das personaxes de Mafalda, a banda deseñada do artista arxentino Quino, amiga da protagonista e de ideas de esquerda.

Libertad Lamarque (1908-2000), actriz e cantante arxentina de nai coruñesa.