Guía de nomes galegos

Do xentilicio latino Horatius, probablemente derivado do etrusco Huras, de significado escuro.

Na historia remota de Roma, no século VII a. C., para decidir o destino de Roma e de Alba Longa e poñer fin á guerra entre as dúas cidades, os tres irmáns Horacios romanos loitaron a morte contra os tres irmáns Curiacios albanos. Nun primeiro momento, morreron dous dos Horacios, aínda que os Curiacios quedaron feridos de diversa consideración. O terceiro dos Horacios fuxiu, pero despois foi matando con astucia un a un os seus rivais. Este feito mítico serviu para explicar como os romanos se impuxeron aos albanos no Lacio. O xuramento dos Horacios (1784) é unha famosa pintura do pintor neoclásico francés Jacques-Louis David inspirada nesta historia.

Non obstante, o nome popularizouse polo escritor romano Quinto Horacio Flaco (65-8 a. C.), fillo dun liberto da familia romana Horatia. Foi un home de gran talento, amigo de Virxilio e protexido do patricio Mecenas, quen o presentou a Augusto. Rexeitou cargos políticos porque prefería manter a súa liberdade; exemplo, polo tanto, de intelectual independente do poder. Escribiu Sátiras, Épodos, Odas e Epístolas.

Horatio Nelson (1758-1805), famoso almirante británico, vencedor da batalla de Trafalgar, na cal morreu.

Horacio Noche (1912-1970), violinista coruñés.

Horacio Valcárcel (1932-2018), cinematógrafo e guionista.