O poeta grego Homero (século VIII a. C.?) foi quen, segundo a tradición helénica, recolleu as vellas epopeas da guerra de Troia e as converteu nos dous poemas épicos máis famosos da historia do mundo occidental: a Ilíada e a Odisea.
Nada sabemos en concreto deste personaxe, nin cando viviu nin onde. Pénsase que se trataría dun rapsodo ou trobador cego que, contratado por señores, percorrería os camiños da Grecia antiga cantando as marabillosas historias dos heroes e deuses helénicos.
