Guía de nomes galegos

Do latín Aurora, deusa romana da alba; as primeiras hipóteses facíana derivar de aurum 'ouro', pola cor do ceo no amencer; non obstante, parece ter unha raíz indoeuropea que se ve representada no grego aúrion 'mañá'.

Na mitoloxía grega e romana, Aurora é unha deusa irmá de Helio (o Sol) e Selene (a Lúa) que pertence á primeira xeración divina (a dos Titáns). Tivo amores con Ares, o que lle ocasionou a xenreira de Afrodita, que a castigou a estar eternamente namorada.

Hai tamén unha santa Aurora, venerada xunto con san Brandán na illa de Man, unha das nacións celtas.

Amantine Aurore Dupin era o verdadeiro nome de George Sand (1804-1876), escritora francesa que no seu tempo escandalizou a sociedade por vestir de home e por ter vida íntima con varios homes célebres, entre eles o músico Chopin, e talvez con algunha muller.

Aurora Gil (1919-2008), nada na Coruña, foi unha pintora, autora e modelo de calendarios e pósters publicitarios en México durante o século XX.

Aurora Liste Forján (1916-1984), leiteira de Calo (Teo), sindicalista e irmá de Manuela Liste Forján e de Enrique Líster.

Aurora Pereira Carballo ‘Aurichu Pereira’(1940-2023), natural de Santiago de Compostela, pintora, música, deseñadora de moda e militante nacionalista galega