É o nome antigo de Ourense, que aparece no latín medieval como Auriense, un derivado formado con sufixo latino a partir de Auria, que é un hidrónimo prerromano. O estudoso Edelmiro Bascuas suxire, tendo en conta a existencia do lugar de Oira do outro lado do Miño, que Auria puido ser hai dous mil anos un nome alternativo do Miño nesa zona. Así pois, contrariamente ao que se adoita crer, probablemente non teña nada que ver con ouro (do latín aurum).
