Guía de nomes galegos

Forma popular de Isídoro (>Isidro>Sidre), de onde tamén vén Isidoro; así distínguense os dous santos, o patrono de Madrid (Sidro) co sabio arcebispo de Sevilla (Isidoro)

San Sidro (século XI) era un labrego mozárabe de Madrid cando esta cidade era aínda unha pequena vila e estaba baixo o dominio musulmán. Segundo a tradición, era tan devoto que mesmo deixaba de traballar para poñerse a rezar, pero mentres oraba uns anxos baixaban do ceo e guiábanlle os bois que tiraban do arado; deste xeito, o amo das terras non lle podía chamar a atención. Foi canonizado en 1622 por Gregorio XV, aínda que a bula da canonización non se publicou ata 1714. Os Austrias xa eran devotos do santo e bebían auga da súa fonte cando sentían que estaban enfermos, pero foi cos Borbóns cando máis se acrecentou o seu culto, sobre todo con CarlosIII na segunda metade do século XVIII. Desde 1724 é patrón da cidade Madrid. Tamén é patrón dos labradores españois.

O xeólogo Isidro Parga Pondal (1900-1986), apartado da Universidade de Santiago polo franquismo e fundador do Laboratorio Xeolóxico de Laxe (1940).