Guía de nomes galegos

Do grego Nēreídes 'fillas de Nereo', divindades mitolóxicas do mar. Nome tomado directamente da mitoloxía grega que na actualidade pode evocarnos a beleza ou os misterios do mar, as súas ondas etc.

As nereidas eran divindades ou ninfas mariñas amigas dos navegantes, fillas de Nereo e de Dóride e netas de Océano; talvez personifiquen as ondas innúmeras do mar (xeralmente son cincuenta, pero ás veces o seu número pasa do cento). Coidábase que habitaban no fondo do mar, no pazo do seu pai; todas eran belísimas e pasaban o tempo a fiar, a tecer e a cantar.

Nereida é a terceira lúa máis grande de Neptuno.