Guía de nomes galegos

Orixinariamente, Nēleídēs ou Nēleïádēs era un patronímico grego que quería dicir 'fillo ou descendente de Neleo', e aplicábase a Néstor, personaxe da Ilíada e da Odisea de Homero. Este nome é probablemente un anagrama a partir do seu pseudónimo literario, Daniel.

O nome difundiuse como feminino a partir da novela Nélida, da escritora francesa Daniel Stern, pseudónimo de Marie Catherine Sophie de Flavigny, condesa d'Agoult, amiga de artistas e escritores, que morreu en 1876. O asunto da novela, semiautobiográfica, é a relación amorosa entre ela e o compositor Franz Liszt.

Nélida Cuíñas Piñon, ‘Nélida Piñon’ (Río de Xaneiro 1937-Lisboa 2022), escritora brasileira neta e filla de emigrantes galegos de Cotobade. Foi a primeira muller en presidir a Academia Brasileira das Letras (1995-1996). Recibiu numerosas distincións e premios internacionais, dos que salientamos os outorgados por entidades galegas, debido a que Galicia sempre estivo presente na súa obra: Medalla Castelao da Xunta de Galicia (1992); doutora honoris causa pola USC (1998); Premio Rosalía de Castro (Pen Club de Galicia, 2002); membro de honra da RAG (2014).

O seu nome é un anagrama do do seu avó galego Daniel.