Guía de nomes galegos

Nome grego derivado de Helas (Grecia), que significa 'procedente de Grecia'.

Santo Heladio (550-631) era parente do rei visigodo Leovixildo; na súa mocidade desempeñou cargos na corte real. Entrou no mosteiro de Agalia e, xa vello, foi arcebispo de Toledo.

Eladio Rodríguez González (1864-1949), lexicógrafo e escritor, a quen se lle dedicou o día das Letras Galegas de 2001.

Nas Memorias dun neno labrego (1961), de Xosé Neira Vilas, Eladia é o nome da mestra de Balbino, o neno protagonista. Eladio Vilarchao é un dos protagonistas d'A Esmorga (1959) de Eduardo Blanco Amor