Guía de nomes galegos

Do latín Flora, que xa era nome persoal moi difundido entre os romanos, motivado pola deusa romana da primavera; o seu nome está relacionado coa raíz da palabra latina flos, floris 'flor'.

Flora é unha das divindades latinas máis antigas; representaba o eterno renacer da vexetación en primavera e por iso presidía a floración dos cereais, das viñas, das árbores froiteiras e das plantas ornamentais en xeral.

Santa Flora (século IX), segundo o mozárabe santo Euloxio, era filla de pai musulmán e nai cristiá, e segundo a tradición foi decapitada por practicar o cristianismo.

Flora Tristán (1803-1844), pensadora feminista e socialista francesa.