Guía de nomes galegos

Do latín Damianus, de orixe discutida. Para uns deriva de Damia, nome da Bona Dea ‘a boa deusa’, unha deidade romana de procedencia oriental, cun nome secreto que non se debía pronunciar nunca e que estaba asociada á fertilidade e á curación.  Para outros, dado que o culto dos santos Cosme e Damián é de procendencia oriental, a orixe hai que buscala en Oriente ben na deusa Damía ben no elemento damas 'domar / domador', de onde tamén vén Dámaso.

San Damián e san Cosmede, irmáns xemelgos, foron uns santos sirios que exerceron gratuitamente a medicina. Morreron mártires en 303 (baixo Diocleciano) e son dos santos máis antigos do culto hispánico (século VII). Exercen o padroeiro dos médicos.

Damián Cornejo (1629-1707), bispo de Ourense e escritor.