Guía de nomes galegos

Do latín Baptista, do grego Baptistés 'o que bautiza', alcume de san Xoán por ser el quen bautizou a Xesús.

San Xoán Bautista, chamado “o Precursor” (c. 5 a. C. - c. 30 d. C.), era fillo de Zacarías e Isabel. Naceu seis meses antes ca o seu curmán Xesús de Nazaré. De mozo retirouse ao deserto, onde viviu con austeridade. Apareceu despois no val do río Xordán predicando a chegada do Mesías. Bautizou a Xesús nese mesmo río e, por denunciar a unión incestuosa de Herodes Antipas coa súa sobriña Herodías, morrería decapitado a pedimento de Salomé, filla desta última, que, como premio a unha danza que realizara, lle pediu a Herodes a cabeza do Bautista.

Bautista Álvarez (1933-2017), político galego.