Arousa é o nome da máis grande das Rías Baixas, da illa nela situada e está presente nos concellos da Illa de Arousa, de Vilanova de Arousa e de Vilagarcía de Arousa. É de orixe prelatina, probablemente derivado do tema hidronímico ar-, moi presente nos topónimos que teñen relación coa auga, emparentado coa raíz indoeuropea er- ‘moverse’. Na documentación antiga o nome parece que primeiramente nomeaba a illa.
