Guía de nomes galegos

Do grego Zeus 'deus supremo', equivalente ao Xúpiter dos romanos.

Na mitoloxía grega, Zeus é o pai dos deuses, o deus supremo do Olimpo, fillo de Rea e do titán Cronos. Despois de loitar polo control do mundo contra os seus irmáns, correspóndelle a el o goberno do ceo —e dos fenómenos atmosféricos— e a xefatura dos deuses, a Posidón o mar e a Hades o mundo subterráneo. Dirixe o universo como un todo harmonioso que inclúe as relacións entre os homes e os deuses. Aínda que a súa esposa foi Hera, non tiña con ela moi boas relacións e as súas infidelidades eran frecuentes. En Roma identificárono con Xúpiter.