Publio Virxilio Marón (c. 70-19 a. C.) é o poeta latino autor dun tratado de agricultura (Xeórxica), de poemas pastorís (Églogas) e do poema épico que canta a historia de Roma e a obra do emperador Augusto (a Eneida). Neste último creou dous personaxes excepcionais, Eneas e Dido, que tiveron moita vida literaria posterior. Foi un dos escritores favoritos da crítica e da escola. Virxilio foi o poeta escollido por Dante na Divina comedia como guieiro para baixar ao inferno.
Levou este nome san Virxilio de Salzburgo (século VIII), bispo desta cidade austríaca.
