Na antiga Roma, Servio Sulplicio Rufo (c. 105-c. 43 a. C.) foi un xurisconsulto dos tempos de Cicerón. Ao decatarse de que como orador non podía rivalizar con este, abandonou a retórica polo dereito e a política. Foi cónsul con Marco Claudio Marcelo.
Sulplicia foi unha poetisa do tempo do emperador Domiciano, célebre por ser a única muller escritora da historia de Roma e pola fidelidade ao seu marido.
San Sulplicio Severo (323-425) foi un patricio da Aquitania, xurista en varias cidades da Galia; fixo a primeira biografía de san Martiño de Tours e unha Historia sacra que vai desde a creación do mundo ao ano 400, fonte de información sobre a disputa priscilianista na Galia.
Houbo outro santo con este nome, bispo de Bourges (século VII).
