Guía de nomes galegos

Do latín Thaddeus, relacionado inicialmente con thaddayah 'peito de muller' pero que hoxe se considera adaptación aramea do grego Theodoto ou Theodoro, co significado de 'agasallo de Deus'. O caso é que no Evanxeo de Mateu aparece como Lebbeo, en Marcos como Thaddeo e nos Feitos Xudas de Xacobe.

San Xudas Tadeu (século I) foi un dos doce apóstolos de Cristo, irmán de Santiago o Menor, evanxelizador da Mesopotamia e Persia, onde morreu martirizado. Como Xudas Iscariote foi o traidor, axiña se empezou a considerar nefando o nome de Xudas entre os cristiáns e por iso quedou reducido a Tadeu.

Tadeusz Reichstein (1897-1996), físico polaco-suízo, foi Premio Nobel de Medicina en 1950.