Este nome veuse utilizando en España como masculino, pero serve para os dous sexos. Popularizouno na historia contemporánea española o político Práxedes Mateo Sagasta (1825-1903), xefe do Partido Liberal, que, durante a rexencia de María Cristina de Borbón (1885-1902) estableceu co Partido Conservador de Cánovas del Castillo un pacto tácito que institucionalizaba a alternancia pacífica —e fraudulenta—no poder dos dous partidos dinásticos.
Houbo unha santa Práxedes, virxe romana do século II.
