Este nome é popular desde os tempos de Cristo por Poncio Pilato (c. 26 a. C. - 36 d. C.), procurador romano de Xudea que, indeciso á hora de xulgar a Xesús, quixo manter unha actitude neutral e desentendeuse publicamente en sinal de non se querer manchar co sangue de quen consideraba inocente. Ao final, temeroso dunha revolta popular, entregou a Cristo ao suplicio, de tal xeito que ese acto non o librou da súa responsabilidade moral.
Houbo tamén tres santos co nome de Poncio: dous mártires do século III, un en Cimiez (Niza, Francia) e o outro en Cartago; o terceiro foi bispo de Velley (Francia), no século XII.
