Este nome tivo moita difusión na Idade Media en Galicia. Un dos que o levaron foi Osorio Gutérrez (século X), guerreiro e monxe chamado polo pobo o Conde Santo. Era fillo do conde Goterre Osórez e de Florencia Méndez, tía de san Rosendo. Tras loitar contra os mouros volveu ás terras de Mondoñedo, onde tiña propiedades, e fundou o mosteiro de Vilanova de Lourenzá (ano 969), onde residiu ata a súa morte.
