Guía de nomes galegos

Nome bíblico, adaptado ao grego e ao latín como Ismael, procedente do hebreo Yishma'el 'Deus escoita'.

Segundo a Biblia, Ismael é o fillo que o patriarca Abrahán tivo de Agar, a escrava exipcia de Sara, que, como xa non podía concibir, lle recomendara ao seu marido que tivese sucesión por medio da súa serva. Abrahán deixou embarazada a Agar e esta, fachendosa, perdeulle o respecto á súa ama, a quen acabou maltratando. Agar fuxiu ao deserto e un anxo de Iavé ordenoulle volver, que chamase Ismael ao seu fillo e profetizoulle que habería ter unha longa descendencia. O relato bíblico conta que Ismael tivo doce fillos, os fundadores das tribos árabes do norte de Arabia; o propio Mahoma considerábase descendente del.

No cristianismo houbo tamén un santo Ismael do século IV.

Ismael González Díaz (1939-2015), cineasta e escritor do Carballiño.