Guía de nomes galegos

Nome orixinario grego, Isáuros, latinizado Isaurus. Xentilicio dun pobo que se estableceu en Asia Menor e lle deu nome o seu nome á rexión de Isauria. A orixe do nome remóntase ás civilizacións prehelénicas.

Houbo un santo Isauro, diácono ateniense, que foi martirizado xunto con san Fiz e outros mártires.

A telenovela brasileira A escrava Isaura, por ser a primeira que emitiu a Televisión de Galicia (TVG), a partir do 25 de xullo de 1985, foi a serie que contou con máis popularidade en Galicia nesta época.

Isaura Usero Souto (1913-2004), física galega.

Isaura Abelairas (1951-2021), mestra e política galega.

María Isaura Vázquez Blanco (1906-1998), coñecida como Maruxa Villanueva, foi unha actriz galega formada en Buenos Aires, a onde emigrara aos 20 anos. Tivo unha compañía teatral co seu nome, coa que fixo a primeira estrea da obra de Castelao Os vellos non deben de namorarse, en 1941. Retornada a Galicia, de 1974 ata o seu pasamento foi coidadora da Casa-Museo de Rosalía de Castro en Padrón.