O graal é, segundo a tradición cristiá, a copa que usou Xesús Cristo na derradeira cea, na cal tamén Xosé de Arimatea recolleu o sangue do crucificado. Na Idade Media foi obxecto de culto relixioso e literario, en que se mestura a tradición cristiá con lendas célticas.
Na literatura galega medieval destaca o ciclo novelesco da Demanda do santo Graal, que ten unha primeira parte que é o Libro de Xosé de Arimatea. A obra continúa despois co Merlín (hoxe perdido). A terceira parte é o da Demanda (a busca): os cabaleiros do rei Artur lánzanse á conquista do Graal. Só tres cabaleiros da Táboa Redonda artúrica saen elixidos para ir na súa procura: Perceval, Galaaz e Boors. Só o logra Galaaz, o cabaleiro perfecto, que será levado aos ceos como o profeta Elías. Perceval morrerá e só Boors puido volver á corte artúrica e contar as súas aventuras.
