Guía de nomes galegos

Do latín gratia, ‘graza’, con orixe nun termo indoeuropeo que deu lugar tamén ao grego charis.

A motivación deste nome pode vir dunha advocación mariana ou do nome latino Gratia, procedente das tres Grazas da mitoloxía clásica: divindades da beleza e, talvez, potencias da vexetación; espallan ledicia na natureza, no corazón dos deuses e dos humanos. Son tres irmás (Eufrosýnē, Talía e Aglae), fillas de Zeus e Afrodita, que pertencen ao séquito de Apolo.

Grace Murray Hopper (1906-1992), científica da computación e militar estadounidense, pioneira no mundo das ciencias da computación. Entre as décadas de 1950 e 1960 desenvolveu o primeiro compilador para unha linguaxe de programación e tamén achegou métodos de validación.

Grace Kelly (1928-1982), actriz estadounidense e princesa consorte de Mónaco, polo seu matrimonio en 1956 co príncipe Raniero.