Guía de nomes galegos

Adoita considerarse este nome como o feminino de Félix, a partir dunha variante *Felis, que, con todo, está moi pouco documentada. Outra posibilidade é que teña orixe no nome feminino grego Phyllis, do grego antigo phullís ‘folla’.

Filis é unha personaxe mitolóxica, a filla dun rei de Tracia que casou con Demofonte, un fillo de Teseu, cando este volvía da guerra de Troia. Demofonte abandonouna e ela suicidouse, tras o cal se converteu nunha amendoeira sen follas, que só florecerá ó regreso de Demofonte. A partir desta lenda Phyllis deu nome a un xénero de plantas fanerógamas. O nome Filis circulou como nome literario na poesía pastoril do Século de Ouro español e no arcadismo lusitano.

Felisa Manzano Conde (1942-2017), Fely Manzano, actriz ourensá.