San Ferreol foi un soldado que viviu na cidade francesa de Vienne entre os séculos III e IV e morreu martirizado por ser cristián. A súa lenda asóciase habitualmente coa de san Xián. Tense afirmado que o topónimo Ferrol vén do nome deste santo, posiblemente porque o seu patrón é san Xián. Pero a documentación histórica parece desmentilo: así, aparece sancto Iuliano de Ferrol no século XI na colección documental de Xuvia.
San Ferreol de Uzès, neto do rei Clotario I, foi bispo desta cidade francesa no século VI.
