Elixio Rodríguez (1910-2007), fundador das Mocidades Galeguistas de Bande e aviador durante a Guerra civil española en defensa da legalidade republicana. Ao remate da guerra exiliouse en México, onde colaborou nas actividades galeguistas. En 1994 publicou o libro de memorias Matádeo mañá; memorias dun aviador galeguista republicano entre a guerra e o exilio.
Elixio Rivas Quintas (1925-2022), natural de Fondo da Vila (Xunqueira de Ambía), frade paúl e misioneiro, profesor, etnógrafo e lingüista galego, con especial dedicación á lexicografía, á onomástica e á toponimia. Foi un gran difusor do Camiño de Santiago e recibiu o Premio Otero Pedrayo (1980) e a Medalla Castelao (2000).
