Guía de nomes galegos

Nome cristián testemuñado xa no século IV; é unha derivación do nome de Cristo. Christinus é un par léxico de Christianus, se ben este funciona só como adxectivo e aquel só como nome persoal, que, nos primeiros séculos, era case como un segundo nome obrigatorio de todos os cristiáns, secreto por causa das persecucións. Só pasou a ser nome independente tras o edicto de Constantino grazas ao cal o cristianismo deixou de estar proscrito.

Cristina de Bolsena (Italia) foi outra das mártires lendarias do século III, que, segundo a lenda, sufriu arrepiantes tormentos.

A raíña Cristina de Suecia (1632-1654) transformou o seu país nunha gran potencia europea e converteu a súa corte nunha verdadeira academia que atraeu sabios da época, como Descartes, Hugo Grocio e outros.