Túbal, segundo a historia mítica, foi o primeiro poboador da Península Ibérica. Cóntase que chegou a ela por mar 84 anos despois do diluvio universal “procedente dos campos de Sennar”, rexión de Mesopotamia. O historiador romántico galego Benitto Vicetto consideraba que Túbal —fillo de Iafet e neto de Noé— desembarcara preto da foz do río Texo, na baía de Setúbal. Sería o fundador da raza tubalita, que despois se espallaría pola Península; un dos seus descendentes, Brigo, sería o primeiro poboador de Galicia.
