Na tradición cristiá, san Trocado (século I) sería un dos sete varóns apostólicos enviados a Hispania por san Pedro e san Paulo; considérase o primeiro bispo de Acci (Guadix), en Andalucía. Máis adiante, tras a invasión musulmá (século VIII), ao parecer trasladouse o seu cadáver a Galicia, á igrexa prerrománica de Santa Comba de Bande, onde estivo ata que no século X pasou a San Salvador de Celanova. En 1592 abriuse a súa tumba e repartíronse as súas reliquias por Ourense, Santiago, El Escorial e Guadix.
