Levou este nome un famoso escritor romano do século I, autor do Satiricon, primeira novela latina. Suponse que se trata dun Petronio a quen Tácito describe como “árbitro da elegancia”, disoluto e vividor, que se suicidou no ano 66 por orde de Nerón. Neste libro inclúese o relato da Viúva de Éfeso (viúva de loito pasaxeiro), que é un conto popular moi coñecido, do cal hai unha versión galega escrita por Rosalía de Castro: “Contos da miña terra”.
Houbo tamén un santo con este nome, do século V, bispo de Verona.
