Guía de nomes galegos

Palmira é o nome dunha cidade do deserto árabe-sirio, fortificada por Salomón, equivalente ao hebreo Tadmor.

A cidade de Palmira, capital dos nabateos, sufriu as primeiras destrucións nos ataques dos romanos en 272 e 273, durante o reinado de Zenobia. Volvería ser destruída polos musulmáns en 634 e por un terremoto en 1089.

A frase “esta é a ruína de Palmira!” vénse repetindo desde tempos inmemoriais como sinónimo de destrución que causa abraio, ou cando algo non ten amaño posible.

O escritor e filósofo francés François Chasseboeuf, conde de Volney, publicou en 1791 As ruínas de Palmira ou Meditacións sobre as revolucións dos imperios, obra en que proclama un ateísmo tolerante, a liberdade e a igualdade, polo cal foi posta no índice de libros prohibidos pola Igrexa católica.

Palmira Jaquetti i Isant (1895-1963), folclorista, poeta, empresaria, compositora, musicóloga, etnóloga e escritora catalá.

Palmira González Boullosa (1941-2017), natural de Vigo, mestra e escritora en galego; Premio Merlín 1987.