Guía de nomes galegos

Do hebreo Le'ah, adaptado ao grego como Leia e ao latín como Lía. Na tradición popular significaba 'fatigada, cansa' pero na actualidade pénsase que o seu significado era 'vaca', en alusión ós rabaños do pai da Lea bíblica (o nome da súa irmá Raquel significaría 'ovella').

Segundo o libro bíblico da Xénese, Lea era a filla máis vella de Labán, home que acollera a Xacob en Caldea cando este fuxira da casa paterna. Xacob pediulle ao seu protector por esposa a Raquel, a filla máis nova, a cambio de servilo sete anos. Chegada a noite, Labán meteulle na tenda a Lea, e Xacob deitouse con ela sen se decatar, pois non era costume dar a filla máis nova antes da máis vella. Xacob tivo dez fillos de Lea. Pasados os sete anos, Xacob tamén casou con Raquel, coa que tivo os últimos dous fillos.