Guía de nomes galegos

Do nome grego Hērákleios (latinizado en Heraclius ou Heracleus), derivado de Heraklês 'Heracles' (latino 'Hércules'), heroe mitolóxico heleno. O nome significa: 'dedicado ou consagrado a Heracles'.

Santo Heraclio foi patriarca de Alexandría (231-247), discípulo e compañeiro de Oríxenes. Houbo outro santo Heraclio de Campania (século V), chamado o Africano, que chegou a esa rexión italiana fuxindo dos vándalos.

Por outra parte, Heraclio I e II foron dous emperadores de Oriente do século VII.

Contribuíu á difusión deste nome Heraclio Fournier (1849-1916), fundador en 1870 en Vitoria-Gasteiz dunha empresa de naipes que leva o seu nome.

Tamén o levou o médico, escritor e editor galego Heraclio Pérez Placer (1866-1926), e Enrique Heraclio Botana (1871-1936), tipógrafo e político pontevedrés, deputado nas Cortes Constituíntes de 1931.