Do nome do río galego que nace na Serra do Xistral e desemboca na ría de Ares. Dá nome tamén a unha comarca, a un parque natural (Fragas do Eume) e está presente no concello de Pontedeume e nas parroquias Ribadeume e San Pedro de Eume (concello das Pontes de García Rodríguez). É un nome prelatino, formado a partir do tema hidronímico *um-, derivado da raíz *wegw- ‘húmido’, de onde tamén proceden os nomes dos ríos Umia e Uma.
