Santo Euloxio de Córdoba (século IX) foi un exaltado integrista cristián que chegou a ser mártir pola súa teimosía e intolerancia. Mentres a xerarquía cristiá mozárabe aceptaba a pacífica liberdade de cultos do califato omeia de Córdoba e convivía en harmonía con árabes e xudeus, o sacerdote Euloxio encabezou un grupo que se manifestou publicamente contra o Islam e chegou a insultar a Mahoma na mesquita cordobesa. Puido fuxir ao norte e mesmo o nomearon arcebispo de Toledo, pero volveu a Córdoba e seguiu fomentando a rebelión, polo que foi preso e decapitado.
Hai outro santo Euloxio do século VI, patriarca de Alexandría, un dos santos máis antigos do culto hispánico.
