Guía de nomes galegos

Do hebreo ‘Abhrâm, formado por ab 'pai' e ram 'alto, excelso'. Polo tanto, ‘Abhrâm quere dicir 'o Pai é excelso' ou ben 'de nobre estirpe'.

Personaxe bíblico descendente de Sem, fillo de Noé, patriarca dos pobos árabes —a través do seu fillo Ismael, nacido da súa escrava exipcia Agar— e hebreo —a través do seu segundo fillo Isaac, concibido pola súa esposa Sara—. A Biblia preséntao como exemplo de docilidade ante Deus, tanta que, cando este llo pediu, non dubidou en dispoñerse a sacrificar o seu fillo Isaac. No último momento, un anxo enviado polo Señor impediría o sacrificio.

Abraham Lincoln, presidente dos Estados Unidos de América de 1861 a 1865, que aboliu a escravitude no seu país.