Guía de nomes galegos

Do hebreo Ye'oxua, de onde tamén procede Xesús, que significa 'Deus é a salvación'.

Segundo o libro do Éxodo da Biblia, Xosué, fillo de Nun, foi escolleito para suceder a Moisés e dirixir a ocupación dos israelitas da chamada terra prometida do país de Canaán. Morto Moisés, atravesou o río Xordán, fixo caer as murallas de Xericó e obtivo unha vitoria sobre os amorreos, para a que precisou mandar parar o Sol e prolongar a luz do día.

Neste relato bíblico basearíase a xerarquía da Igrexa católica e doutras confesións xudeocristiás para sosteren como dogma que a Terra era o centro do universo e que era o Sol o que se movía arredor dela (teoría xeocéntrica). Deste xeito, consideráronse heréticos todos os científicos que defendían o contrario: que é o Sol o centro (teoría heliocéntrica) e que é a Terra a que xira. É de sobra coñecida a abxuración forzada de Galileo Galilei en 1633, ameazado coa fogueira pola Inquisición.

Josué Pais García (1937-1957), revolucionario cubano, fillo de pai e nai orixinarios de Marín.