Guía de nomes galegos

Do latín Remus, de orixe descoñecida.

Remo e Rómulo (século VIII a. C.) foron os míticos fundadores da cidade de Roma. Segundo a lenda, o rei de Alba Longa, Amulio, para asegurar a súa sucesión, meteu a vestal a súa sobriña Rea Silvia (filla do destronado rei Numitor), feito que a obrigaba a un voto de virxindade. Pero Rea Silvia apareceu encinta do deus Marte e deu a luz dous xemelgos, Rómulo e Remo, que meteu nunha cesta polas augas do Tíber (un caso como o de Moisés no Nilo). A cesta foi parar a unha xunqueira, onde unha loba recolleu as criaturas e lles deu de mamar. Cando os nenos se fixeron maiores derrocaron o usurpador, pero despois acabarían pelexando un co outro e foi Rómulo quen venceu; matou o seu irmán e se converteu no primeiro rei de Roma. Remo é un nome moi frecuente en Italia.