San Ciríaco de Xerusalén é un santo lendario que aparece citado por vez primeira por san Gregorio de Tours. Era un xudeu chamado Xudas e, segundo o relato lendario, foi el quen lle indicou a santa Helena onde estaban soterradas as tres cruces do Gólgota. Coa súa conversión ao cristianismo tamén cambiou o nome.
San Ciríaco de Roma, ordenado diácono polo papa Marcelo por volta do ano 300, tiña sona de exorcista e, segundo a lenda, botoulle o demo fóra do corpo a unha filla de Diocleciano. Aínda así, foi martirizado na persecución decretada por este emperador.
